“Gizchina” portalının redaktorları avqust ayında qiyməti 500 dollardan çox olmayan 5 ən yaxşı smartfonun siyahısını tərtib ediblər.

Valyuta.az xəbər verir ki, siyahıya  MediaTek Dimensity 9200+ çipi, 24 GB-a qədər operativ yaddaşı və 1 TB daimi yaddaşı olan "Redmi K60 Ultra" başçılıq edir. Smartfon həmçinin IP68 suya və toza davamlılığa, 1,5K təsvir ölçülü 6,67 düymlük OLED ekrana və 144 Hz təzələmə tezliyinə malikdir. 50 meqapiksel təsvir ölçülü əsas kamera optik stabilizasiya (OIS) ilə təchiz edilib və 5000 mAh batareya 120 Vt enerji doldurmanı dəstəkləyir.

İkinci yerdə oxşar çip, 16 GB RAM və 256 GB yaddaşa malik "iQOO Neo8 Pro" gəlir. Smartfon 6,78 düymlük QHD AMOLED ekranı 144 Hz təzələnmə tezliyi, OIS ilə 50 meqapiksellik kamera və 120 Vt sürətli şarjı dəstəkləyən 5000 mAh batareya ilə təchiz edilib.

Üçüncü yerdə Snapdragon 8+ Gen 1 çipi, 12 GB operativ yaddaş və 256 GB yaddaşa malik "Poco F5 Pro" qərarlaşıb. O, həmçinin 120Hz yeniləmə tezliyi ilə 6,67 düymlük Full HD+ AMOLED ekran təklif edir. F5 Pro 64MP əsas kamera, 67W simli şarj və ya 30W simsiz enerji doldurma ilə doldurula bilən 5160mAh batareya ilə gəlir.

Avqust seçimində "Google Pixel 7a" və "Vivo S17 Pro" müvafiq olaraq dördüncü və beşinci yerlərdə qərarlaşıb.

Paşa Məmmədli