“Meta”, “Instagram”da da istifadəyə verdiyi kanallar funksiyasını son həftələrdə  “WhatsApp”da 9 ölkə üçün əlçatan edib. 

Valyuta.az xəbər verir ki, yaxın günlərdə mərhələli şəkildə hər kəsin üzünə açılacaq bu funksiyada ən çox izlənilən kanalların siyahısı açıqlanıb.

“WhatsApp” hazırda Misir, Çili, Malayziya, Mərakeş, Ukrayna, Keniya, Peru, Sinqapur və Kolumbiya da daxil olmaqla doqquz ölkədə kanal funksiyasını istifadəyə verib.

“WaBetaInfo”nun məlumatına görə, “Real” 2,5 milyon izləyici ilə birinci yeri tutub. İkinci yerdə 2,1 milyon abunəçi ilə “WhatsApp” özü qərarlaşıb. Üçüncü yeri isə “Barselona”nın kanalı tutub (1.948 milyon).

 “WhatsApp” il ərzində bu  funksiyasını hamı üçün əlçatan etməyi planlaşdırdığını bildirib.

Səbuhi Həsənov