Norveçdə “Datatilsynet” adlı məlumatların mühafizəsi agentliyi avqustun 14-dən etibarən “Meta”nı istifadəçi məxfiliyini pozduğuna görə gündə bir milyon kron (təxminən 98 500 dollar) cərimələməyə başlayacaq.

Valyuta.az xəbər verir ki, agentlik, “Meta”nın Norveçdəki istifadəçilərin fiziki yerləri kimi məlumatları topladığını və "davranış reklamı" metodundan istifadə edə bilməyəcəyini açıqlayıb. “Datatilsynet”in beynəlxalq bölməsinin rəhbəri Tobias Cadin, açıqlamasında, "Gələn bazar ertəsindən gündə bir milyon kron cərimə tətbiq edilməyə başlayacaq" - ifadələrini işlədib. Cərimə noyabrın üçünə qədər davam edəcək. Ümumi cərimə 82 milyon kron və ya səkkiz milyon dollar olacaq. 

“Facebook”, “Instagram” və “WhatsApp”ın çətir təşkilatı olan “Meta” məlumatların ABŞ-a ötürülməsinə görə 1,3 milyard dollar cərimələnib. Birliyin İrlandiyadakı ofisi, Məlumatların Mühafizəsi Komissiyası tərəfindən elan edilən cəza indiyə qədər bir şirkətə tətbiq olunan ən yüksək məbləğdir. Bundan əvvəlki rekord 746 milyon avro ilə “Amazon”a məxsus idi. VKK həmçinin “Meta”ya məlumat axınını dayandırmaq üçün beş ay vaxt verib. Bu müddət ərzində məlumatların ötürülməsinə son qoyulmasa, şirkət daha ciddi sanksiyalarla üzləşə bilər. 

Elmir