Kosmosda bir naməlum mənbə 1988-ci ildən bəri Yerə radio siqnalları göndərir.

Valyuta.az “İndependet”ə istinadən xəbər verir ki, tədqiqatçılar hələlik onun hansı obyekt olduğunu müəyyənləşdirə bilmirlər. Dalğaların təbiətinin onu izah etməyə çalışan heç bir modelə uyğun gəlmədiyi deyilir. 

Tədqiqatçıların sözlərinə görə, 35 ildir sözügedən mənbə parlaqlığı ilə əhəmiyyətli dərəcədə fərqlənən müntəzəm 20 dəqiqəlik enerji partlayışları göndərir. Emissiyalar pulsarlardan çıxan işıqlar və ya milisaniyələrdən bir neçə saniyəyə qədər davam edən sürətli radio partlayışları kimi görünür. Ancaq yeni kəşf edilmiş mənbə, tədqiqatçıların dediyinə görə, 21 dəqiqə ərzində pulsasiya edən radio siqnalları göndərir. Hansı ki, əvvəllər izahatlara baxmayaraq bu, qeyri-mümkün hesab edilirdi.

Pulsarlar ətrafda sürətlə fırlanan, radio partlayışları törədən neytron ulduzlardır. Yerin yaxınlığından keçəndə emissiyalar fırlanan mayakdan gələn işıq yolunda olduğu kimi çox qısa və parlaq şəkildə görülür. Bununla belə, “GPMJ1839-10” adı verilən yeni obyektin “ölüm xətti”ndən xeyli kənarda olduğu qənaətinə gəlinib. Həmin obyektin pulsar olduğu müəyyənləşərsə, onun elm adamları tərəfindən qeyri-mümkün hesab edilən üsullarla işlədiyini söyləmək mümkündür. Obyekt, həmçinin yüksək maqnitləşdirilmiş ağ cırtdan və ya inanılmaz dərəcədə güclü maqnit sahələrinə malik neytron ulduzu ola bilər. Lakin alimlər hesab edirlər ki, həmin ulduzlar bu cür emissiyaları göndərməyə meylli deyillər. Mənbə aşkarlandıqdan sonra tədqiqatçılar radio arxivlərini yoxlayaraq siqnalların ən azı 1988-ci ildən bəri göndərildiyini müəyyənləşdirib. 

“McGill” Universitetinin fizika professoru Viktoriya Kaspi, gələcəkdə bu yolla daha çox kəşflərin edilə biləcəyini deyib: "Bu məlumatlarda daha nələrin gizləndiyini və bir çox astronomik zaman miqyasında hansı müşahidələrin aşkar ediləcəyini ancaq zaman göstərəcək. Bu, yeni kəşf edilmiş mənbənin nə qədər qeyri-adi olduğuna dair bəzi izahatları ehtiva edə bilər”.

Məlumatlarda tədqiqatçıların digər obyektlərin də oxşar kolleksiyasının olub-olmadığını araşdırmaqla, yeni aşkar edilmiş emissiyaların arxasındakı mexanizmləri öyrənə biləcəkləri nəzərə çatdırılıb.

Tapıntılar “Nature” jurnalında “Otuz il ərzində aktiv uzunmüddətli radio keçidi” adlı yeni bir məqalədə qələmə alınıb.

Elmir