ABŞ-nin ən populyar basketbol liqası olan NBA rəsmisi Adam Silver, liqa matçlarının gələcəkdə "Apple Vision Pro"da yayımlanması üçün şirkətlə əməkdaşlıq etdiklərini açıqlayıb.

Valyuta.az xəbər verir ki, Silver açıqlamasında, 3,499 dollar qiyməti olan "Vision Pro" qarışıq reallıq eynəkləri texnologiyası ilə NBA oyunlarına təkmilləşdirilmiş baxış təcrübəsini gətirmək üçün "Apple"lə əməkdaşlıq etdiyini söyləyib. "New York Post"un xəbərinə görə, NBA rəsmisi 2024-cü ilin əvvəlində satışa çıxarılacaq "Vision Pro" eynəkləri üçün "Apple"lə yaxından işlədiklərini söyləməklə gələcək NBA matçlarının qarışıq reallıq eynəklərindən izlənilə biləcəyi mesajını verdi.

Digər tərəfdən Silver hazırda əməkdaşlıq etdikləri yayımçı şirkətlərdən razı qaldıqlarını da açıqlayıb: "Mövcud müqavilələrimizin bitməsinə iki il qalıb və biz "Disney"lə "WarnerBros"dan son dərəcə məmnunuq".

2021-ci ilin dekabrında texnologiya şirkəti "Oculus"  virtual reallıq eynəkləri ilə "Metaverse"də NBA matçlarını izləmək imkanı təklif etmişdi.

Elmir