İT nəhəngi "Microsoft 16" ildə ilk dəfə "Word", "Excel", "Powerpoint" və s. daxil olmaqla, ofis proqramları paketində standart şrifti dəyişdi. Bundan sonra "Calibri" əvəzinə defolt olaraq "Aptos" istifadə ediləcək.

Valyuta.az xəbər verir ki, bu barədə "Microsoft" öz bloqunda məlumat yayıb. Şirkət bildirib ki, yeni şrift "kəskin, ardıcıl və yüksək ayırdetmə ekranlarında nümayiş etdirmək üçün əladır".

"Aptos" şrifti, "Windows Vista", 7, 8, 10 və 11-də defolt olaraq istifadə edilən "Segoe UI" şrifti ilə də tanınan dizayner Stiv Matteson tərəfindən yaradılıb. Mütəxəssis "Aptos" üzərində işləyərkən o, 20-ci əsrin ortalarına aid İsveçrə tipoqrafiyasından ilham aldığını bildirib. 

Əvvəlki şrift "Calibri" 2007-ci ildən "Word", "Outlook", "PowerPoint" və "Excel" proqramlarında 16 ildən artıqdır ki, istifadə olunur. Parametrlərdə seçim üçün əlçatan qalacaq.

"Microsoft" artıq "Aptos"u ofis proqramlarına standart şrift kimi təqdim etməyə başlayıb. Yaxın gələcəkdə o, mövcud "Windows"un bütün istifadəçiləri üçün görünəcək.

Xatırladaq ki, "Windows 11"in quraşdırılması dayandırılıb və W12 2024-cü ilin sonuna qədər buraxılacaq.

Cari məlumatlara görə, "Windows" 11-in buraxılmasından təxminən iki il sonra cihazların 25%-dən az hissəsi quraşdırılıb. Və bu, "Microsoft"un əvvəllər "Windows 10" üçün əsas yeniləmələrin buraxılmasını dayandıracağını bildirməsinə baxmayaraq baş verib.

Eyni zamanda, "Microsoft" artıq ƏS-in növbəti versiyasını təqdim etməyə hazırlaşır. Əsas dəyişikliklərdən biri “üzən” tapşırıqlar panelinin, eləcə də daha çox süni intellekt xüsusiyyətlərinin tətbiqi olacaq.

Nicat