İlon Mask "Twitter" şirkətini satın almasından sonra ixtisar olunan minlərlə işçiyə təxminən 500 milyon dollarlıq təzminatı ödəməkdən imtina edib.

Valyuta.az xəbər verir ki, "Twitter"in işçilərə müavinət proqramlarına nəzarət edən Kortni Makmillian San-Fransisko federal məhkəməsində iddia qaldırıb. 

Makmillian, 2019-cu ildə "Twitter" tərəfindən yaradılan işdən çıxarılma planının bir hissəsi olaraq əməkdaşların əksəriyyətinə iki aylıq əsas maaş və işindən uzaqlaşdırıldığı təqdirdə hər tam xidmət ili üçün bir həftəlik məvacib vəd edildiyini bildirib. Yüksək vəzifəli işçilərə isə altı aylıq əsas əmək haqqının ödənilməsi tələb olunurdu. Lakin Makmilian iddia edir ki, şirkət işdən çıxarılan işçilərə maksimum bir aylıq əməkhaqqı verir. İddiaya görə işindən uzaqlaşdırılan əksər işçilər isə heç nə almayıb.

Oktyabrda Mask şirkəti satın aldıqdan sonra "Twitter", xərcləri azaltmaq üçün işçi qüvvəsinin yarıdan çoxunu işdən çıxarmışdı.

Elmir