Əfsanəvi musiqi pleyeri “Winamp”ın tərtibatçıları yeniliyə imza atıb.

Valyuta.az xarici KİV-ə istinadən xəbər verir ki, tərtibatçılar pleyerin “Android” və “iOS” üçün versiyasını hazırlayıblar.

Musiqi axını platformalarından olan, bundan əvvəlki nəslin ən çox istifadə etdiyi məşhur proqram populyarlığını illər əvvəl itirdi. Texnologiyanın inkişafı və onlayn platformaların artması ilə “gözdən düşən” “Winamp”ın yaradıcıları proqramı yenidən populyarlaşdırmaq istəyir. Yaxın keçmişin əfsanəvi proqramları arasında yer alan, əsasən “MP3” formatlı musiqilərin səsləndirildiyi tətbiqin kompüterlər üçün olan yeni versiyası bir müddət əvvəl təqdim edilmişdi.

“Android” və “iOS”la bağlı nəşr olunan proqram isə hələlik məhdud sayda istifadəçi üçün qapalı beta test rejimində istifadəyə verilib. Telefonlar üçün tam versiyanın yaxın günlərdə yayımlanacağı gözlənilir.

Tətbiqin populyarlığını qaytarmaq istəyən yaradıcılar onu “mp3” tətbiqindən daha artığına çevirmək niyyətindədirər. Şirkət musiqiçilərə və yaradıcılara işlərini yaymağa, təbliğ etməyə və pul qazanmağa imkan verən platforma qurmaq istəyir. Qurucuları “Winamp”ı, “Spotify” və “Apple Music” kimi onlayn xidmətlərlə rəqabət aparmağa deyil, onu “Patreon”a bənzər musiqi platformasına çevirməyə çalışırlar.

Elmir