Təhlükəsizlik şirkəti "Guardz" "macOS" ilə işləyən kompüterlərdən məxfi məlumatların oğurlanması üçün xüsusi olaraq hazırlanmış "ShadowVault" adlı yeni növ zərərli proqram aşkar edib. 

Valyuta.az xəbər verir ki, bu barədə şirkətin saytında məlumat verilib.

"Guardz"a görə, "ShadowVault" qaranlıq internetdə ayda 500 dollar ödəməklə paylanır ki, bu da "Atomic Stealer" adlı "Apple" kompüterlərindən məlumat oğurlamaq üçün oxşar proqram təminatının yarısı qədərdir.

"MacOS" ilə işləyən kompüterlərdə fonda işləyən "ShadowVault" sakitcə parolları, kukiləri, bank kartı məlumatlarını, elektron pul kisələrini və brauzer genişləndirmələrindən bütün məlumatları, "Telegram" hesablarını və digər məxfi məlumatları oğurlaya bilər. "ShadowVault" tərtibatçıları əlavə ödəniş müqabilində "Apple" tərtibatçısı tərəfindən imzalanmış zərərli proqramlar toplusunu təqdim etməyə söz verirlər.

Mütəxəssislər qeyd edirlər ki, "ShadowVault" heç bir şəkildə "Safari" brauzerinin məlumatlarını pozmur. Bununla belə, bu proqram digər populyar brauzerlərin istifadəçiləri və hətta "macOS" və iOS sistemlərində login və parolları saxlayan "Apple"ın "Keychain" funksiyası üçün ciddi təhlükə yaradır.

Nicat