Milyarder və “Twitter” sosial şəbəkəsinin yaradıcısı Cek Dorsi “Meta” İT korporasiyasının yeni “Threads” xidmətini tənqid edib.

Valyuta.az xəbər verir ki, "Threads" "Twitter"in analoqu kimi yerləşdirilib. Meta yeni platformanı 6 iyul 2023-cü ildə istifadəyə verməyi planlaşdırır. Bununla belə, indi istifadəçilər iPhone-da müvafiq proqramı quraşdıra bilərlər. Dorsinin etdiyi də məhz bu idi və sonda onu bezdirib.

Dorsi "Threads"i çox sayda istifadəçi məlumatı topladığına görə tənqid edib. "Twitter" qurucusu "Threads"in maliyyə, sağlamlıq, kontaktlar, alış-veriş, məkan və s. haqqında istifadəçi məlumatlarını almaq üçün icazə istəməsini göstərən skrinşot yerləşdirib. Ümumilikdə "Threads" məxfilik siyasətində 14 məlumat kateqoriyası verilib.

"Bütün mövzularınız bizə məxsusdur", - Dorsi skrinşotu istehza ilə şərh edib.

“Twitter”in yaradıcısının paylaşımı təxminən 6 milyon baxış, 20 min bəyənmə və 4 mindən çox şərh toplayıb. Şərhlərdən biri Dorsinin dostu və "Twitter"in hazırkı sahibi İlon Maskdan gəlib.

Mask yazının müəllifi ilə razılaşaraq qısaca cavab verib: "Bəli".

Nicat