Avstraliyanın Sidney şəhərində yerləşən ofis avadanlığı şirkəti "Facilitate Corporation" sosial media platforması "Twitter"i 1 milyon dollardan çox borcunu ödəməməsi iddiası ilə məhkəməyə verib. 

Valyuta.az xəbər verir ki, İlon Maskın satın aldığı "Twitter", son vaxtlar ödənilməmiş borcları ilə gündəm olmağa başlayıb. "Facilitate Corporation" İlon Maskın 2022-ci ilin oktyabrında sosial şəbəkəni satın aldıqdan sonra bir çox müqavilələri ləğv etdiyini və borclarını ödəmədiyini deyib.

2015-ci ildən bəri "Twitter"in ABŞ-dan kənar ofislərinin aparat ehtiyaclarını qarşılayan şirkət, 2022 və 2023-cü ilin əvvəlindən sosial şəbəkənin London, Dublin və Sinqapurda yerləşən ofislərinə bir milyon dollardan çox dəyərində texniki dəstək verdiyini və bu müddətdə borcların ödənilmədiyini açıqlayıb. Sidneydə yerləşən şirkət tərəfindən ABŞ-ın Kaliforniya Federal Məhkəməsində irəli sürülən iddiada Tvitterin borclarının kompensasiya və faizlə ödəməyə məcbur edilməsi tələb olunur.

Həmçinin "Twitter"in xərcləri azaltmaq üçün bağlandığı Sidneydəki ofisinin 60 min dollardan çox ödənilməmiş borc olduğu qeyd edilib.

"Facilitate Corporation" "Twitter"in borcla bağlı etiraz etmədiyini və indiyə qədər ödənilməməsi üçün səbəb göstərmədiyini bildirib.

Elmir