İlon Maskın böyük rezonans doğuran “Neuralink” layihəsi çərçivəsində bu ildən etibarən insanların beyninə çiplər taxılmağa başlanacaq. 

Valyuta.az xəbər verir ki, çip sayəsində insanlarla kompüterlər arasında birbaşa əlaqə yaratmaq istəyən Maskın “Neuralink” layihəsi 2020-ci ildə heyvanlar üzərində sınaqdan keçirilib. İnsanları və kompüterləri birləşdirmək üçün ultra yüksək zolaqlı beyin-maşın interfeyslərini inkişaf etdirməyə çalışan “Neuralink” beyin pozğunluqlarını müalicə etməyə, onu qorumağa və təkmilləşdirməyə kömək edəcək. Nəticədə insanları süni intellektlə birləşdirəcək.

Milyarder iş adamı daha əvvəl şirkətin hazırladığı beyin çiplərinin insanlar üzərində sınaqdan keçiriləcəyini açıqlamışdı. Bununla bağlı ABŞ Qida və Dərman İdarəsindən (FDA) lazımi icazələr də alınıb. Mask açıqlamasında, bu ilin sonundan etibarən insan beyninə çip yerləşdirmə testlərinin başlayacağını bildirib.

O, iddia edir ki, çipləri beyinə daha dərindən yerləşdirə bilsələr gələcəkdə korluq və depressiya kimi xəstəlikləri müalicə etmək mümkün olacaq.

Elmir