2023-cü ildə "Samsung" 230-240 milyon smartfon sata biləcək ki, bu da planlaşdırılandan 40-30 milyon cihaz azdır. 

Valyuta.az "PhoneArena"ya istinadla xəbər verir ki, "Samsung" hələ də dünyanın ən böyük smartfon istehsalçısı olaraq qalır və əsas rəqibi Apple-i xeyli qabaqlayır, lakin sürətlə auditoriyasını itirir. 2023-cü ilin ikinci rübündə şirkət bazara 55 milyon smartfon təqdim edib ki, bu da yanvar-mart (61,5 milyon ədəd) və 2022-ci ilin ikinci rübünün (62,5 milyon ədəd) nəticələrindən xeyli azdır.

Cənubi Koreya texnologiya nəhənginin 2023-cü ilin sonuna qədər 240 milyondan çox smartfon satmayacağı gözlənilir. Bu, "Samsung"un ilin əvvəlində təyin etdiyi 270 milyon ədəd plandan nəzərəçarpacaq dərəcədə azdır. Müqayisə üçün: 2022-ci ildə "Samsung" 260 milyon smartfon satıb. Hətta 2020-də, çətin pandemiya dövründə şirkət daha yaxşı nəticələr göstərib - 250 milyon cihaz.

"PhoneArena" yazır ki, "Samsung" satışları "Galaxy S23" xəttinin yalnız mülayim uğuru, eləcə də "Galaxy A" seriyasından büdcə və orta səviyyəli smartfonlara qlobal tələbatın azalması səbəbindən aşağı düşür.

Nicat