Salatlarınızın və hətta yeməklərinizin bir gün robot aşpaz tərəfindən hazırlana biləcəyini düşünmüsünüz?

Valyuta.az xəbər verir ki, hələlik əlçatmaz kimi görünsə də bunun yaxın gələcəkdə mümkün olacağı istisna deyil. "IEEE Access"də nəşr olunan Kembric Universitetinin yeni araşdırmasında süni intellektin (AI) insan aşpazların videolarına baxaraq yeni reseptləri müəyyənləşdirmək və öyrənməyə imkanı verdiyi bildirilir. Tədqiqatçılar robot aşpazın müşahidə yolu ilə insanlar kimi reseptləri öyrənə biləcəyini bildirirlər: "Robot aşpazı həyata keçirmək mürəkkəb bir işdir. Ondan manipulyasiya, hissetmə, əks əlaqə, qərarvermə və qavrayış kimi texnikalarda bacarıqlılıq tələb olunur".

Kembric Universitetinin komandası "Openpose" və YOLO adlı obyekt aşkarlayan süni intellektin və şəkilləri real vaxt rejimində bir anda emal edən süni neyron şəbəkəsindən yararlandığını bildirir. YOLO səkkiz il əvvəl təqdim edilmiş açıq mənbəli proqramdır. YOLO-nun əsas modeli saniyədə 45 kadr sürətlə obyekt aşkarlamağa qadirdir. Komanda diqqəti salatlara yönəltmək qərarına gəlib, çünki bir çox inqrediyentlər YOLO alqoritmləri ilə müəyyən edilə bilər və bu tip yeməklərin avtomatlaşdırılması nisbətən sadədir. 

Universitetin komandası beş inqrediyentdən - portağal, banan, brokoli, yerkökü və almadan ibarət səkkiz salat resepti hazırlayan insanların videolarını yaradıb. Robot aşpaz öz kamerası ilə insanların reseptlər nümayiş etdirdiyi bu videolara baxır. Süni intellektin görmə qabiliyyəti qablar və inqrediyentlər kimi obyektləri, habelə insan aşpazlarının hərəkətlərini müəyyənləşdirmək üçün video nümayişin kadrlarını təhlil edir. Robot sağ əl və obyektlər arasındakı əlaqəni təhlil edərək, hansı obyektlərin istifadə olunduğunu və insanların hərəkətlərini öyrənir.

Süni intellekt insan aşpazların iştirakı ilə hazırlanan 16 video izləyib. Tədqiqatçıların bildirdiyinə görə, robot nümayişlərin 93%-də məlum reseptləri düzgün tanıyıb və neyron şəbəkələrdən istifadə edərək yeni reseptləri uğurla öyrənir.

Elmir