"Google" elan edib ki, bulud yaddaşı "Disk" (Drive) "Windows" 8 və 8.1 ilə işləyən bütün kompüterlərdə işləməyi dayandıracaq. Bu, avqustda baş verəcək.

Valyuta.az "The Verge" portalına istinadən xəbər verir ki, bu, yerli məlumatları “bulud”la sinxronlaşdırmağa, “Google Foto”da foto və videoların ehtiyat nüsxələrini çıxarmağa imkan verən xüsusi fərdi kompüter proqramıdır. Avqust ayından etibarən siyahıda OS versiyaları olan PC istifadəçiləri bunu edə bilməyəcəklər.

Onlar köhnə sistemdə düzgün işləməsi şərti ilə "Disk"in brauzer versiyasından istifadə etməli olacaqlar. Bununla əlaqədar olaraq, "Google" bu istifadəçilərə əməliyyat sisteminin daha yeni versiyasını - "Windows" 10 və ya 11-i quraşdırmağı tövsiyə edir.

"Google" həmçinin xəbərdarlıq edir ki, "Drive" proqramının masaüstü versiyası avqust ayından başlayaraq "Windows"un 32 bitlik versiyaları ilə uyğun gəlməyəcək. "Windows" 11 yalnız 64 bitlik versiyada mövcuddur və "onluğun" 32 bit versiyasına yüksəltmək belə bir vəziyyətdə kömək etməyəcək - bulud bu kompüterdə işləməyəcək.

2023-cü ilin əvvəlində "Google" köhnə "Windows" üçün dəstəyi tədricən dayandırmağa başlayıb. Bundan əvvəl şirkət öz xüsusi brauzerinin "Windows" 7 və 8.1 ilə uyğunluğunu dayandırmışdı. Digər şirkətlər də oxşar addımlar atır.

"Windows" 7 və 8-in buraxılışından on ildən çox vaxt keçməsinə baxmayaraq, köhnə versiyalar hələ də populyardır: bu günə olan məlumata görə, "7" kompüterlərin 3,5%-ində quraşdırılıb. "Windows" 8 və 8.1-in payı isə 1%-dir.

Bu arada, gələn il “Windows 12” buraxılacaq ki, burada əsas diqqət süni intellektə, texniki və proqram təminatının optimallaşdırılmasına yönəldiləcək. Dizayn baxımından isə "Windows" 12 MacOS-a daha çox bənzəyəcək.

Paşa Məmmədli