“Xiaomi” şirkətinin iyun ayında təqdim etməyə hazırlaşdığı yeni “Redmi X20” smartfonunun gizli görüntüləri mediaya sızdırılıb. 

Valyuta.Az Webtekno.com-a istinadən xəbər verir ki, sözügedən görüntülər Çinin məşhur sosial şəbəkə platformu olan “Webio”-da paylaşılan reklam çarxında yayılıb. 

Məlum olub ki, təqdim ediləcək smartfon 5G şəbəkəsini dəstəkləyəcək. Bundan başqa, smartfonun 4 GB RAM və 128 GB yaddaşa, 6,5 böyüklükdə Full HD+ ekrana və 48 meqapiksel arxa və 8 meqapiksel ön kameraya sahib olacağı gözlənilir.

Qeyd edək ki, yeni  smartfonun qiyməti təxminən 150 dollar dəyərində olacaq.

Kamran Xəlil