Cənubi Koreyanın “LG Electronics Inc” şirkəti maddi ziyana və yüksək rəqabətə görə mobil telefonlar bazarından getdiyini elan edib.

Valyuta.az Report.az-a istinadən xəbər verir ki, bu barədə “Yonhap” agentliyi bildirib.

Qeyd edilir ki, şirkət ağıllı telefonların (smartfonların - red) istehsalının satışını Vyetnamın “Vingroup” və Almaniyanın “Volkswagen” avtokonserni ilə müzakirə edib, ancaq razılaşmalar əldə olunmayıb.

Agentliyin məlumatına görə, LG-nin mobil biznesi 2015-ci ildə zərərlə işləməyə başlayıb, ötən il onun ümumi məbləği 4,4 milyard ABŞ dolları olub.

“LG Group” Cənubi Koreyanın miqyasına görə dördüncü maliyyə-sənaye qrupudur.

Daha əvvəl bildirilib ki, LG bu ilin fevral ayından çevik ekranlı telefonlarının inkişafını dondurub. Növbəti qərar şirkətin ilin birinci yarısında planlaşdırılan yeni smartfonların təqdimatını təxirə salması olub.