"Bakı Metropoliteni" Qapalı Səhmdar Cəmiyyətinin kabel və şin bağlantılarının satın alınmasına dair bu gün keçirdiyi tenderin qalibi "ERG Baku” MMC olub. 

Valyuta.Az qaynarinfo-ya istinadla xəbər verir ki, satınalmanın məbləği 103 min 858 manat 76 qəpik məbləğində qiymətləndirilib.

Nizamnamə kapitalı 100 manat olan şirkət 2016-cı ildə Bakı şəhəri, Nərimanov rayonu, Qarabağ, ev 22  ünvanında qeydiyyata alınıb. MMC-nin qanuni təmsilçisi Şiriyev Tərlan Nəzərəli oğludur. 

Şirkət yarandığı gündən indiyə kimi yalnız "Bakı Metropoliteni"nin keçirdiyi satınalmalarda qalib olub. 2019-cu ilin aprel ayının 29-dan indiyə kimi QSC ilə "ERG Baku” arasında 8 satınalma müqaviləsi bağlanıb. 

İnternet resurslarında şirkətlə bağlı yalnız bir məlumata rast gəlmək olur: Koronavirusa Qarşı Mübarizə Fonduna 2 min manat ianə edib.