2021-ci ilin yanvar ayında qeyri neft-qaz məhsullarının ixracında faktiki qiymətlərlə artım, real ifadədə azalma baş verib.

Dövlət Statistika Komitəsindən Valyuta.az-a verilən xəbərə görə, bu artım 2020-ci ilin yanvar ayı ilə müqayisədə ixracında faktiki qiymətlərlə 3,8 faiz olub.

İxrac əməliyyatı real ifadədə isə 12,9 faiz azalaraq 146,1 milyon dollara bərabər olub. 

Qeyri neft-qaz məhsulları üzrə ixracın dəyərində Türkiyəyə (36,1 faiz), Rusiyaya (29,3 faiz), İsveçrəyə (6,9 faiz), Gürcüstana (4,4 faiz), Çinə (2,9 faiz), ABŞ-a (2,5 faiz), İtaliyaya (2,2 faiz), Ukraynaya (2,2 faiz), Almaniyaya (1,4 faiz), Birləşmiş Krallığa (1,3 faiz), İrana (1,1 faiz), Yaponiyaya (0,9 faiz) göndərilmiş malların payı üstünlük təşkil edib.