Koronavirus pandemiyasına qarşı tətbiq edilən xüsusi karantin rejimi ilə əlaqədar ictimai nəqliyyatın, o cümlədən Bakı Metropoliteninin işinin məhdudlaşdırılması yük və sərnişin daşımalarının azalmasına gətirib çıxarıb.

Dövlət Statistika Komitəsindən Valyuta.az-a verilən məlumata görə, yük daşınması cari ilin fevral ayında yanvar ayına nisbətən 4,1 faiz, 2020-ci ilin fevral ayı ilə müqayisədə 10,0 faiz, ümumilikdə yanvar-fevral aylarında 2020-ci ilin müvafiq dövrü ilə müqayisədə 11,1 faiz azalıb.

Sərnişin daşınması 2021-ci ilin fevral ayında yanvar ayına nisbətən 36,3 faiz artsa da, 2020-ci ilin fevral ayı ilə müqayisədə 42,2 faiz, ümumilikdə yanvar-fevral aylarında 2020-ci ilin müvafiq dövrü ilə müqayisədə 47,7 faiz azalıb.

Yüklərin 53,5 faizi avtomobil, 34,7 faizi boru kəməri, 8,5 faizi dəmir yolu, 3,0 faizi dəniz, 0,3 faizi isə hava nəqliyyatı ilə daşınıb. Sərnişinlərin 99,8 faizi avtomobil, qalan hissəsi isə digər nəqliyyat növləri ilə daşınıb.