2021-ci ilin yanvarında Azərbaycan xaricdən 541 min 64 min tondan artıq yük qəbul edib. İdxal edilən yüklərin ümumi dəyəri 787,5 milyon dollar olub.
 
Rəsmi statistikaya görə, yüklər müxtəlif daşınma vasitələrinin köməkliyi ilə Azərbaycana çatdırılıb. Gətirilən yüklərin daha çox hissəsi dəmiryolu nəqliyyat vasitəsi ilə, ən bahalı yüklər isə poçt göndərişləri vasitəsilə daşınıb.

Bir ay ərzində dəmiryolu vasitəsilə 277,44 min ton yük gətirilib. Gətirilən yükün dəyəri 145,146 milyon dollar olub. Dəmiryol nəqliyyat vasitəsilə ümumi yüklərin 51,27 faizi idxal edilib.

Avtomobil nəqliyyat vasitəsilə 182,22 min ton yük gətirilib və bu qədər yük üçün 502,544 milyon dollar ödənilib. Cəmi yüklərin gətirilməsinin 33,67 faizi avtomobil nəqliyyatının payına düşüb.

Stasionar nəqletmə vasitələri ilə 58 151 ton (3,28 milyon dollar), dəniz nəqliyyatı vasitəsilə 21 179 ton (12,252 milyon dollar), özü hərəkət edən vasitələrlə 1 248 ton (31,14 milyon dollar), hava nəqliyyatı vasitəsilə 794,2 ton (86,33 milyon dollar), poçt göndərişi ilə 23,46 ton (6,796 milyon dollar) yük gətirilib.

Müxtəlif vasitələrlə daşınan yüklərin daşınma qiymətləri də müxtəlif olub. Ən bahalı yüklər poçt göndərişi ilə, ən ucuz yüklər stasionar vasitələrlə gətirilib.

Yanvarda gətirilən yükün orta hesabla bir tonunun gömrük dəyəri poçt göndərişində 289 686 dollar, hava nəqliyyatında 108 702 dollar, özü hərəkət edən vasitələrdə 24 937 dollar, avtomobil nəqliyyatında 2757,8 dollar, dəniz nəqliyyatında 578, dəmiryolu 523 dollar, stasionar vasitələrdə 56,41 dollar təşkil edib. //Sfera.az