Ötən il ərzində Azərbaycandan magistral neft kəmərləri ilə 38 milyon 752,1 min ton neft nəql edilib.

Valyuta.az rəsmi məlumatlara istinadən xəbər verir ki, nəqletmənin 76%-i Bakı-Tbilisi-Ceyhan neft ixrac kəməri ilə həyata keçirilib. İl ərzində bu kəmər vasitəsilə 29 milyon 470,9 min ton neft ötürülüb.

Dövr ərzində BTC kəməri ilə nəql edilən neftin 82%-ini Azərbaycanda hasil edilən neft təşkil edib ki, onun da miqdarı 24 milyon 172,5 min tona bərabər olub. BTC kəməri ilə nəql edilən neftin 18%-ini və ya 5 milyon 298,4 min tonunu isə Türkmənistan və Qazaxıstandan daxil olan neft təşkil edib.

Əvəz Həsənov