Cari ilin yanvar-noyabr aylarında Azərbaycanda metallurgiya sənayesi və hazır metal məmulatlarının istehsalı sahələrində 1 milyard 226,2 milyon manatlıq məhsul istehsal olunub.

Valyuta.az rəsmi məlumatlara istinadən xəbər verir ki, hazır metal məmulatlarının istehsalı sahəsində 35,7 faiz, metallurgiya sənayesi məhsullarının istehsalında isə 21,7 faiz artım müşahidə edilib.

Bununla yanaşı bəhs olunan dövr ərzində metallurgiya sənayesi üzrə mis məftilin istehsalı 5,1 dəfə, alüminium məmulatlarının istehsalı 49,1 faiz, armatur istehsalı 30,4 faiz, hazır metal məmulatlarının istehsalı sahəsi üzrə izolyasiyası olmayan çoxnaqilli məftil, troslar və oxşar məmulatların istehsalı 19,0 faiz, metaldan sair məmulatların istehsalı isə 13,3 faiz artıb.

Əvəz Həsənov