Yaponiyanın elektronika nəhəngi "Panasonic" 2024-cü maliyyə ilinin ilk yarısı üzrə geniş balans hesabatını açıqlayıb.

Valyuta.az-ın açıqlanan hesabata istinadən verdiyi məlumata görə, şirkətin aprel-sentyabr aylarındakı xalis mənfəəti 1,24 milyard dollara düşüb. Müqayisə üçün qeyd edək ki, əvvəlki ilin eyni dövründə şirkətin mənfəət payı bu ilkindən 34,5 % daha çox olub.

Şirkət azalmaya səbəb olaraq Yaponiya və ABŞ-da yeni elektrikli avtomobil batareya zavodlarının tikintisini göstərib.

Maliyyə direktoru açıqlama verdi

Maliyyə direktoru Umeda Hirokazu şirkətin batareya təchizat gücünün yüksək olduğunu, üçüncü rübdən etibarən ABŞ-dakı fabriklərinin də tam gücü ilə işləməyə başlayacağını vurğulayıb.

Əlavə olaraq qeyd olunub ki, həmin 6 aylıq dövrdə (aprel-sentyabr) şirkətin satış gəlirləri 3,2 % artaraq 4,25 trilyon yenə (27,7 milyard dollar) çatıb.

Rəhim