Cari ilin sentyabr ayında Azərbaycandan MDB ölkələrinə hava sərnişindaşıma nəqliyyat xidmətində beynəlxalq reyslərin bir gediş üçün orta qiyməti 918,94 manat təşkil edib.

Valyuta.az rəsmi məlumatlara istinadən xəbər verir ki, bu, cari ilin yanvar ayı ilə müqayisədə 398,7 manat və ya 76,6 % çoxdur. Yanvarda bu qiymət 520,24 manat təşkil edib.

Bununla yanaşı, ötən ay Azərbaycandan MDB ölkələri istisna olmaqla digər ölkələrə təşkil olunan hava sərnişindaşıma nəqliyyat xidmətində beynəlxalq reyslərin bir gediş üçün orta qiyməti 842,67 manat təşkil edib ki, bu da, yanvar ayı ilə müqayisədə 275,14 manat, yaxud da 48,5 % bahadır. Yanvarda bu xidmət bir gediş üçün 567,53 manat olub.

Respublika daxilində hava sərnişindaşıma nəqliyyat xidmətində isə orta qiymət sentyabr ayında dəyişməyərək 58,79 manat təşkil edib.

Əvəz Həsənov