Cari ilin yanvar-avqust aylarında Azərbaycana xarici ölkələrdən 39 min 213,75 ton miqdarında banan gətirilib.

Valyuta.az rəsmi məlumatlara istinadən xəbər verir ki, bu miqdarda məhsulun idxalına 32 milyon 240 min 640 ABŞ dolları (54 milyon 809 min 88 manat) vəsait xərclənib. İdxal olunan bananın bir kiloqramının orta gömrük qiyməti 82 sent (1 manat 39 qəpik) olub.

Bu ilin sentyabr ayında Azərbaycanda pərakəndə ticarət şəbəkələrində satılan idxal bananın bir kiloqramının orta satış qiyməti 2 manat 87 qəpik olub. 

Hesablamalardan göründüyü kimi, idxal olunan bananın bir kiloqramı pərakəndə ticarət şəbəkələrində 1 manat 48 qəpik və ya 2 dəfə bahadır. 
Qeyd edək ki, sentyabr ayında bananın satış qiyməti yanvar ayı ilə müqayisədə 23 qəpik ucuzlaşıb.

Əvəz Həsənov