Bu ilin ilk 9 ayı ərzində turizm məqsədi ilə Azərbaycana 1 milyon 412 min 882 nəfər xarici ölkə vətəndaşı gəlib.

Valyuta.az xəbər verir ki, Azərbaycana səfər edən xarici ölkə vətəndaşlarının 2 min 604 nəfəri və ya 0,2%-i ölkəyə dini ziyarət məqsədi ilə gəlib.

Ötən ilin eyni dövrü ilə müqayisədə dini ziyarət üçün Azərbaycana gələn əcnəbilərin sayı 619 nəfər və ya 31% artıb.

Dini ziyarət üçün gələnlərin yarıdan çoxu – 1 429 nəfəri Rusiya vətəndaşı olub.

Azərbaycana dini ziyarət üçün gələnlər aşağıdakı ölkələrin vətəndaşları olub.

Rusiya – 1 429 nəfər
Türkiyə – 237 nəfər
Qazaxıstan – 231 nəfər
Pakistan – 163 nəfər
Gürcüstan – 107 nəfər
Səudiyyə Ərəbistanı – 93 nəfər
Birləşmiş Ərəb Əmirlikləri – 62 nəfər
Hindistan – 60 nəfər
İsrail – 55 nəfər
İran – 49 nəfər
Böyük Britaniya – 41 nəfər
Bəhreyn –  40 nəfər
Ukrayna – 37 nəfər

© Yeniavaz.com