Bu ilin yanvar-sentyabr aylarında Azərbaycana xarici ölkələrdən 16 min 106 ton miqdarında, 393 milyon 82 min ABŞ dolları dəyərində əczaçılıq məhsulları gətirilib.

Valyuta.az rəsmi məlumatlara istinadən xəbər verir ki, bu, ötən ilin eyni dövrü ilə müqayisədə miqdar ifadəsi ilə 5 min 646 ton (26 %), dəyər ifadəsi ilə 55 milyon 805 min ABŞ dolları (12,3 %) azdır. Ötən ilin eyni dövründə Azərbaycana xarici ölkələrdən 21 min 752 ton miqdarında, 448 milyon 887 min ABŞ dolları dəyərində əczaçılıq məhsulları gətirilib.

Qeyd edək ki, idxal olunan əczaçılıq məhsulları ümumi idxalın 2,68 faizini təşkil edib.

Əvəz Həsənov