Cari ilin yanvar-avqust aylarında Azərbaycandan xarici ölkələrə 319,45 ton miqdarında pendir satılıb.

Valyuta.az rəsmi məlumatlara istinadən xəbər verir ki, bu miqdarda məhsul satışından 2 milyon 711,66 min ABŞ dolları gəlir əldə olunub. İxraca olunan pendirin bir kiloqramının orta gömrük qiyməti  8,48 ABŞ dolları (14,4 manat) olub. 

Bu dövrdə Rusiyaya 312,82 ton miqdarında, 2 milyon 679,35 min ABŞ dolları dəyərində pendir satılıb. İxrac olunan pendirin bir kiloqramının orta gömrük qiyməti 8,56 ABŞ dolları və ya 14,56 manat təşkil edib.

Bununla yanaşı, cari ilin səkkiz ayında Gürcüstana 6,63 ton miqdarında, 32 min 310 ABŞ dolları dəyərində pendir satılıb ki, bunun da, bir kiloqramının orta gömrük qiyməti 4,87 ABŞ dolları, yaxud da 8,28 manat olub.

Əvəz Həsənov