Bu ilin yanvar-avqust aylarında Azərbaycan xarici ölkələrə 361 min 643 ton miqdarında azot gübrəsi satıb.

Valyuta.az rəsmi mənbələrə istinadən xəbər verir ki, bu miqdarda məhsul satışından 78 milyon 653 min ABŞ dolları gəlir əldə olunub. Ötən ilin eyni dövrü ilə müqayisədə azot gübrəsinin xaricə satışı miqdar ifadəsi ilə 199 min 707 ton (123 %), dəyər ifadəsi ilə 36 milyon 808 min ABŞ dolları (88 %) artıb. Ötən ilin ilk 8 ayında Azərbaycan xarici ölkələrə 161 min 936 ton miqdarında, 41 milyon 845 min ABŞ dolları dəyərində azot gübrəsi satıb.

Qeyd edək ki, bu ilin ilk səkkiz ayında ixrac olunan azot gübrəsi ümumi ixracın 0,43 faizini, qeyri-neft sektoru üzrə ixracın 3,61 faizini təşkil edib.

Əvəz Həsənov