Bu ilin yanvar-avqust aylarında turizm məqsədilə Azərbaycana səfər etmiş əcnəbilərin və vətəndaşlığı olmayan şəxslərin sayı 1 milyon 246 min 805 nəfər olub.

Valyuta.az rəsmi mənbələrə istinadən xəbər verir ki, gələn turistlərin ən çoxu istirahət və əyləncə məqsədi ilə gəlib. Bu məqsədlə Azərbaycana gələn turistlərin sayı 879 min 148 nəfər olub.

Turizm məqsədilə Azərbaycana səfər etmiş əcnəbilərin və vətəndaşlığı olmayan şəxslərin səfər məqsədləri aşağıdakı kimidir:

Qohumlara, dostlara baş çəkmək məqsədilə - 188 min 306 nəfər

İşgüzar məqsədilə - 132 min 142 nəfər

Tranzit məqsədilə - 23 min 117 nəfər

Müalicə məqsədilə - 16 min 97 nəfər

Mağazalara baş çəkmək məqsədilə - 3 min 398 nəfər

Dini ziyarət məqsədilə - 2 min 328 nəfər

Digər turizm məqsədilə - 2 min 269 nəfər

Əvəz Həsənov