2023/2024-cü tədris ilində xarici ölkələrin ali təhsil müəssisələrində dövlət xətti ilə təhsil alan Azərbaycan gənclərinin sayı 997 nəfər olub.

Valyuta.az açıqlanan rəsmi məlumatlara istinadən xəbər verir ki, 2022/2023-cü tədris ili ilə müqayisədə dövlət xətti ilə xaricdə təhsil alan gənclərin sayı 7 nəfər azalıb.

Məlumat üçün bildirək ki, dövlət xətti ilə xaricdə təhsil alan gənclərin 41%-i və ya 405 nəfəri Türkiyədə oxuyub. Türkiyədən sonra ən çox tələbə Macarıstanda təhsil alır. Dövlət xətti ilə Macarıstanda 291 Azərbaycan gənci  təhsil alır.

Xarici ölkələrin ali təhsil müəssisələrində dövlət xətti ilə təhsil alan Azərbaycan gənclərinin sayı ölkələr üzrə aşağıdakı kimi olub:

Türkiyə – 405 tələbə
Macarıstan – 291 tələbə
Rusiya – 213 tələbə
Çin – 59 tələbə
Rumıniya – 11 tələbə
Latviya – 5 tələbə
Koreya – 4 tələbə
Qazaxıstan – 4 tələbə
ABŞ – 3 tələbə
İngiltərə – 1 tələb
İspaniya – 1 tələbə

© Yeniavaz.com