Bu ilin yanvar-iyul aylarında Azərbaycana xarici ölkələrdən 535,53 ton dondurulmuş skumbriya gətirilib.

Valyuta.az rəsmi məlumatlara istinadən xəbər verir ki, bu miqdarda məhsulun idxalına 1,127 milyon ABŞ dolları vəsait xərclənib. İdxal olunan dondurulmuş skumbriyanın bir kiloqramının orta gömrük dəyəri 2,10 ABŞ dolları (3,57 manat) olub.

Bu dövrdə ən çox dondurulmuş skumbriya İslandiyadan alınıb. Belə ki, İslandiyadan 776,51 min ABŞ dolları dəyərində 399,45 ton miqdarında balıq idxal olunub. İdxal olunan balığın bir kiloqramının orta gömrük dəyəri 1,94 ABŞ dolları (3,30 manat) olub.

Qrenlandiyadan 80,26 ton dondurulmuş skumbriya gətirilib. Buna 203,28 min ABŞ dolları vəsait xərclənib. İdxal olunan dondurulmuş skumbriyanın bir kiloqramını orta gömrük dəyəri 2,53 ABŞ dolları (4,30 manat) təşkil edib.

Rusiyadan alınan 41,23 ton dondurulmuş skumbriyaya 105,71 min ABŞ dolları xərclənib. Bu ölkədən alınan balığın bir kiloqramının orta gömrük dəyəri 2,56 ABŞ dolları (4,35 manat) təşkil edib.

Norveçdən 13,92 ton dondurulmuş skumbriya idxal olunub. Buna 39,73 min ABŞ dolları vəsait xərclənib. İdxal olunan balığın bir kiloqramının orta gömrük dəyəri 2,85 ABŞ dolları (4,85 manat) olub.

500 kiloqram dondurulmuş skumbriya da Birləşmiş Ərəb Əmirliklərindən alınıb. Bu miqdarda məhsulun idxalına 2,32 min ABŞ dolları xərclənib. Bu ölkədən alınan balığın bir kiloqramının orta gömrük dəyəri 4,64 ABŞ dolları (7,88 manat) təşkil edib.

Əvəz Həsənov