Bu ilin yanvar-iyul aylarında Azərbaycana xarici ölkələrdən 72 min 264 baş diri qoyun gətirilib.

Valyuta.az Dövlət Statistika Komitəsinin açıqladığı məlumatlara istinadən xəbər verir ki, bu, ötən ilin eyni dövrü ilə müqayisədə 85 min 156 baş və ya 54,1 % azdır. Ötən ilin müvafiq dövründə Azərbaycana xarici ölkələrdən 157 min 420 baş diri qoyun gətirilib.

Cari ilin bu dövrü ərzində idxal olunan qoyunlara xərclənən vəsait 6 milyon 220 min ABŞ dolları olub ki, bu da, illik müqayisədə 6 milyon 689 min ABŞ dolları və ya 51,8 % azdır.

İdxal olunan bir ədəd qoyunun orta gömrük dəyəri 86 dollar (146,2 manat) olub ki, bu da, ötən ilin eyni dövründə idxal olunan qiymətdən 4 dollar (6,8 manat) bahadır. Ötən ilin yanvar-iyun aylarında idxal olunan qoyunların bir baş üçün orta gömrük dəyəri 82 dollar (139,4 manat) olub.

Əvəz Həsənov