Bu ilin yanvar-avqust aylarında Azərbaycan xarici ölkərə 488.55 ton çay ixrac edib.

Valyuta.az Dövlət Gömrük Komitəsinin açıqladığı məlumatlara istinadən xəbər verir ki, bu miqdarda çay satışından 4 milyon 372 min ABŞ dolları gəlir əldə olunub.

Ötən ilin eyni dövrü ilə müqayisədə xaricə çay satışımız 45,45 ton və ya 10,3 % artıb. Çay satışından əldə olunan gəlir də 383 min ABŞ dolları, yaxud da 9,6 % çoxalıb.

Hesabat dövründə Azərbaycandan xarici ölkələrə ixrac olunan çayın bir kiloqramının orta gömrük dəyəri 8,9 ABŞ dolları (15,2 manat) təşkil edib.

Əvəz Həsənov