Bu ilin yanvar-iyun aylarında Azərbaycana xarici ölkələrdən 1 505 ədəd yalnız elektrik mühərriklə hərəkətə gətirilən nəqliyyat vasitələri idxal edilib.

Valyuta.az Dövlət Statistika Komitəsinə istinadən xəbər verir ki, bu avtomobillərin alışına 62 milyon 214 min ABŞ dolları vəsait xərclənib.

Məlumata görə, bu dövrdə idxal olunan yalnız elektrik mühərriklə hərəkətə gətirilən nəqliyyat vasitələrinin 1 213 ədədi və ya 80,6 %-i Çindən alınıb. Çindən alınan bu avtomobillərin bir ədədinin orta gömrük dəyəri 65 min 497 manat olub.

Əvəz Həsənov