Cari ilin yanvar-iyul aylarında İpoteka və Kredit Zəmanət Fondunun (İKZF) xətti ilə 280,4 milyon manat kredit verilib.

Valyuta.az Mərkəzi Banka istinadən xəbər verir ki, bu, ötən ilin eyni dövrü ilə müqayisədə 0,3 % və ya 900 min manat çoxdur.Ötən ilin müvafiq dövründə bu məbləğ 279.5 milyon manat olub.

Hesabat dövründə Fondun yenidən maliyyələşdirdiyi kreditlərin məbləği isə 7 %, yaxud da 18,5 milyon manat azalaraq 246,2 milyon manat olub. Ötən ilin eyni dövründə. Fondun yenidən maliyyələşdirdiyi kreditlərin məbləği 264,7 milyon manat idi.

Bu dövrdə İKZF-nin istiqraz buraxmaqla cəlb etdiyi vəsaitin məbləği 76,5 % artaraq 300 milyon manata çatıb. Ötən ilin yanvar-iyul aylarında bu məbləğ 170 milyon manat olub.

Fonda dövlət büdcəsindən ayrılmış vəsaitin məbləği isə dəyişməyərək 65,7 milyon manat qalıb.

Əvəz Həsənov