Bu ilin yanvar-iyun aylarında Azərbaycana xarici ölkələrdən 503 min 802 ton miqdarında qara metallar və onlardan hazırlanan məmulatlar gətirilib. 

Valyuta.az Dövlət Gömrük Komitəsinə istinadən xəbər verir ki, bu, ötən ilin eyni dövrü ilə müqayisədə 100 min 780 ton və ya 25 % çoxdur. Ötən ilin eyni dövründə bu rəqəm 403 min 22 ton idi.

Hesabat dövründə idxal olunan qara metallar və onlardan hazırlanan məmulatlarına 587 milyon 636 min ABŞ dolları xərclənib ki, bu da, illik müqayisədə 99 milyon 691 min ABŞ dolları, yaxud 20,4 % çoxdur. 2023-cü ilin ilk yarısında bu məbləğ 487 milyon 945 min ABŞ dolları olub.

Bu dövrdə idxal olunan qara metallar və onlardan hazırlanan məmulatlar ümumi idxalın 6,63 faizini təşkil edib.

Əvəz Həsənov