Cari ilin yanvar-may aylarında Azərbaycan xarici ölkələrdən 10 min 189,8 ton miqdarında 52 milyon 902 min ABŞ dolları dəyərində kərə yağı alıb.

Valyuta.az rəsmi məlumatlara istinadən xəbər verir ki, bu dövrdə ölkəyə gətirilən kərə yağının bir kiloqramının orta idxal qiyməti 8.8 manat təşkil edib. 

Bəs idxal olunan kərə yağının bir kiloqramının orta qiyməti marketlərdə neçəyədir?

Bu ilin iyun ayında Azərbaycanda pərakəndə ticarət obyektlərində satılan idxal kərə yağının bir kiloqramının orta qiyməti 19,89 manat olub.

Hesablamalardan məlum olduğu kimi satılan kərə yağı idxal olunan kərə yağından 11,09 manat bahadır.

Xatırladaq ki, bu ilin ilk yarısında Azərbaycanda 13 min 872,7 ton kərə yağı istehsal olunub. İyun ayında yerli kərə yağının marketlərdə satış qiyməti 19,36 manat təşkil edib.

Əvəz Həsənov