Bu ilin yanvar-iyun aylarında Azərbaycanda 495,8 ton yaşıl çay yarpağı yığılıb.

Valyuta.az Dövlət Statistika Komitəsinə istinadən xəbər verir ki, bu, ötən ilin müvafiq dövrü ilə müqayisədə 50,4 ton və ya 9,2 faiz azdır. Ötən ilin birinci yarısında ölkədə 546,2 ton yaşıl çay yarpağı yığılıb.

Bu dövrdə yığılan çay yarpağının ən böyük hissəsi Astara rayonunun payına düşüb. Belə ki, Astarada 297.9 ton yaşıl çay yarpağı yığılıb. Növbəti ən çox çay yığımı Lənkəranda (155.1 ton), Masallıda (22.3 ton) və Zaqatalada (20.5 ton) olub.

Əvəz Həsənov