2024-cü ilin yanvar-aprel aylarında 300,0 min hektar sahədə yazlıq bitkilərin səpini aparılıb.

Valyuta.az Dövlət Statistika Komitəsinə istinadən xəbər verir ki, bu, ötən ilin eyni dövrü ilə müqayisədə  33,1 min hektar və ya 12,4 faiz çoxdur. Ötən ilin eyni dövründə ölkədə 266,9 min hektar sahədə yazlıq bitkilər əkilib.

Bundan başqa, bu dövrdə 43,9 min hektar sahədə dənli və dənli paxlalı bitkilər (ondan 20,4 min hektarı dən üçün qarğıdalı), 43,6 min hektar sahədə kartof, 45,1 min hektar sahədə tərəvəz, 13,6 min hektar sahədə bostan bitkiləri, 90,3 min hektar sahədə pambıq, 10,7 min hektar sahədə dən üçün günəbaxan, 5,4 min hektar sahədə şəkər çuğunduru, 1,1 min hektar sahədə tütün, 42,0 min hektar sahədə çoxillik otlar, 3,9 min hektar sahədə birillik otlar və 0,4 min hektar sahədə sair yazlıq bitkilər əkilib.

Əvəz Həsənov