Azərbaycanda 2023-cü ilin yanvar-oktyabr aylarında nəqliyyatçılar 1552,3 milyon sərnişinə xidmət göstəriblər.

Valyuta.az xəbər verir ki, bu barədə Dövlət Statistika Komitəsindən məlumat verilib. Sərnişinlərin 88,0 faizi avtomobil nəqliyyatı, 11,5 faizi metro, qalan hissəsi isə, digər nəqliyyat növləri ilə daşınıb.

Nəqliyyat sektorunda daşımaların həcmində xüsusi çəkisi ən böyük olan avtomobil nəqliyyatı ilə 1366,3 milyon sərnişin daşınıb və əvvəlki ilin eyni dövrü ilə müqayisədə 19,3 faiz artım qeydə alınmışdır.

Sərnişinlərin 94,6 faizi avtobus, 5,4 faizi isə minik taksilərinin xidmətlərindən istifadə edib. Yük dövriyyəsi 5,0 faiz, sərnişin dövriyyəsi isə 18,8 faiz artıb.

© Trend