Bu ilin yanvar-iyul aylarında Azərbaycandakı təsərrüfatlarda  650,1 min ton kartof istehsal olunub.

Valyuta.az xəbər verir ki, bu barədə Dövlət Statistika Komitəsin yaydığı aylıq hesabatda qeyd edilib.

Belə ki, bu göstərici ötən ilin müvafiq dövrünə nisbətən 6,3% artıb.

Hesabat dövründə ölkədə 56,1 min hektar sahədə kartof əkilib ki, bu da ötən ilin eyni dövrünün göstəricisindən 1,6% azdır.

Bununla yanaşı, cari ilin ilk yeddi ayında kartof yığımında məhsuldarlıq 187 sentner təşkil edib. Bu, ötən ilin müvafiq göstəricisindən 6 sentner və ya 3,4% çoxdur.