Gəncə şəhərində 2021-ci ilin yanvar-mart aylarında demoqrafik vəziyyət açıqlanıb.

Gəncə Şəhər Statistika İdarəsindən Valyuta.az-a daxil olmuş məlumata görə, Gəncə şəhər əhalisinin sayı ilin əvvəlindən 63 nəfər artaraq 2021-ci il aprel ayının 1-i vəziyyətinə 335 865 nəfərə çatıb. 

Əhalinin 48,8 faizini kişilər, 51,2 faizini isə qadınlar təşkil edir.

Ədliyyə Nazirliyinin Gəncə şəhər qeydiyyat şöbələri tərəfindən cari ilin ilk üç ayı ərzində şəhərdə 627 nəfər doğulan körpə qeydə alınıb. Doğulanların 54,2 faizi oğlan, 45,8 faizi isə qız uşaqlarıdır. 

Körpələrdən 8-i əkiz doğulanlardır. 2021-ci ilin yanvar-mart ayları ərzində şəhərdə 619 ölüm halı, 308 nikah və 149 boşanma halları qeydə alınıb.

Bu ilin yanvar-mart aylarında Daxili İşlər Nazirliyi və Dövlət Miqrasiya Xidmətinin Gəncə şəhərindəki müvafiq qurumları tərəfindən daimi yaşamaq üçün şəhərə 116 nəfər gələn, 61 nəfər şəhərdən gedən qeydə alınıb, şəhər üzrə miqrasiya saldosu müsbət 55 nəfər təşkil edib.