Cari ilin I rübündə Xəzərin Azərbaycan sektorunda yerləşən "Azəri-Çıraq-Günəşli" (AÇG) neft-qaz yataqları blokunda 6 mln. ton neft hasil edilib ki, bu da illik müqayisədə 6,3% azdır.

Valyuta.az  xəbər verir ki, bu barədə BP-nin (layihənin operatoru) Azərbaycanda apardığı əməliyyatlar üzrə 2021-ci ilin I rübünün yekunlarına dair dərc etdiyi hesabatda qeyd edilib.

Rübün sonunda AÇG-də ümumilikdə 133 neft hasilat quyusu, 45 su injektor quyusu və 8 qaz injektor quyusu istismarda olub.

Hesabata görə, hesabat dövründə AÇG üzrə fəaliyyətlərə təxminən 142 mln. dollar əməliyyat məsrəfləri və 463 mln. dollardan çox əsaslı məsrəflər xərclənib.

İlin I rübü ərzində AÇG-də 3 neft hasilatı və 2 suvurma quyusu qazılıb.