Bu ilin mart ayında Mərkəzi Bankın likvidliyin idarə edilməsi üzrə əməliyyatlarının həcmi və faiz dərəcələri açıqlanıb.

Mərkəzi Bankdan Valyuta.az-a verilən xəbərə görə, bu dövrdə yenidən maliyyələşdirmə üzrə illik faiz dərəcəsi 6,25 faiz və həcmi 1 milyard 072.4 milyon manat təşkil edib. 

Faiz göstərici bu ilin yanvar və fevral aylarında dəyişməz qalıb, ancaq həcmində dəyişikliklər baş verib.  Belə ki, əgər bu məbləğ  yanvar ayında 1 milyard 075.1 milyon manat olmuşdusa, fevral ayında 27,5 milyon manat aşağı düşərək 1 milyard 074.6 milyon manat təşkil edib 

Ötən ilin mart ayında isə yenidən maliyyələşdirmə üzrə faiz dərəcəsi 7,25 faiz, həcmi isə 707.3 milyon manat təşkil edib. Bu da onu göstərir ki, faiz dərəcələrində 1 faizlik enmə, vəsait həcmində isə 365,3 milyon manat və ya 3,4 faiz yüksəlmə baş verib. 

Mart ayında Mərkəzi Bankın notlar üzrə faiz göstəricisi 5,76 faiz, həcmi isə 820 milyon manat olub. Faiz dərəcələrində yanvar və fevral aylarında olduğu kimi qalsa da, vəsait həcmində həmin aylarda artım olub və bu göstərici dəyişməz qalaraq 1 milyard 020.0 milyon manat olub. Ötən ilin eyni dövründə faizlərdə heç bir dəyişiklik olmasa da, vəsait həcmində 497,4 milyon manat artım baş verib. 

Rövşən Ziya