![](https://valyuta.az/file/articles/2024/07/18/1721281161_9115c750-0597-36d1-9aae-1ca01484554b_850.jpg)
Amerika startapı havadan yağ düzəltdi - Bill Qeyts bəyəndi
Kaliforniyada fəaliyyət göstərən “Savor” startapı inək südündən hazırlanan ənənəvi kərə yağına alternativ – karbon qazından hazırlanan yağ təqdim edib.
Şirkət karbon qazı, hidrogen və oksigendən yağ molekullarını yaradan xüsusi termokimyəvi proses hazırlayıb.
“Savor” iddia edir ki, onların yağının dadı faktiki olaraq real yağdan fərqlənmir.
Şirkətin baş icraçı direktoru Katlin Aleksander nəşrə bildirib ki, şirkət artıq bir neçə onlarla insanla qeyri-rəsmi “kor” dequstasiyalar keçirib və tezliklə daha rəsmi, genişmiqyaslı araşdırma aparmağı planlaşdırır.
Aleksandrın sözlərinə görə, istehsal hazırda kommersiyadan əvvəlki mərhələdədir və şirkət daha sonra satışa başlamaq üçün tənzimləyici təsdiqlər almaqla məşğuldur. O qeyd edib ki, məhsulun ən azı 2025-ci ilə qədər bazara çıxacağını gözləmir.
Qeyd edək ki, “Savor” startapı “Microsoft”un qurucusu və dünyanın ən zəngin insanlarından biri Bill Qeyts tərəfindən açıq şəkildə dəstəklənir. Hələ fevral ayında o, öz bloqunda “Savor” haqqında yazıb - Qeyts bildirib ki, laboratoriyada hazırlanmış piylərə və yağlara keçid ideyası ilk baxışda qəribə görünsə də, bu məhsulların istixanalardan çıxan qaz emissiyalarının azaldılması üçün böyük potensialı olduğundan əmindir.
“O, heç bir istixana qazı istehsal etmir, əkinçilik sahəsindən istifadə etmir və ənənəvi kənd təsərrüfatının suyunun mində birindən azını istifadə edir Məhsulun əsl kərə yağı kimi çox gözəl dadı var”, - Qeyts bildirib.
BMT-nin məlumatına görə, heyvandarlıq məhsulları qlobal istixana qazı emissiyalarının 14,5%-ni təşkil edir. “Savor” iddia edir ki, onun kərə yağının karbon izi hər kaloriyə görə 0,8 qram karbon qazından azdır - bu, ənənəvi 80 faizlik kərə yağının karbon izindən üç dəfə azdır.
© Yeniavaz
Mətndə səhv varsa, onu qeyd edib ctrl + enter düyməsini basaraq bizə göndərin.
Son xəbərlər
Ən çox oxunanlar
- Bu gün
- Bu həftə
- Bu ay