Maraqlıdır ki, baş verən hər hansı bir hadisəyə münasibətdə qadınla kişilərin reaksiyası fərqli olur. Xanımlar bəylərdəü fərqli olaraq, hadisələrə daha tez və daha emosional şəkildə reaksiya sərgiləyirlər. Görəsən, bunun səbəbi nədir? 

Valyuta.az-a açıqlama verən Avropa Psixoloq və Pedaqoqları Cəmiyyətinin üzvü Samirə Abdullayevanın fikrincə, kişilərin qadınlara nisbətən hadisələrə münasibətdə az emosional reaksiya sərgiləməsi onlarda olaya reaksiya vermək iradəsinin zəif olmasından qaynaqlanır: 

“Kişi cinsinin nümayəndələri bioloji cəhətdən emosional baxımdan qadınlarla müqayisədə bir qədər daha güclü olurlar. Amma kişilərin güclülüyünün kökündə məhz onların güclü olması, yoxsa ifadə etmək bacarığının kasadlığının durduğunu deyə bilmərik. Kişilərdə emosiyalara reaksiya vermək iradəsi zəif olur. Kişilər öz emosiyalarını ifadə etməkdə qadınlara nisbətən kasad olurlar. Qadınlar isə daha çox emosional olurlar. Onlar hər hansı bir hadisəyə daha tez emosiya göstərirlər. 

Belə vəziyyətin yaranmasının kökündə əslində şəxsiyyətin özünü formalaşdırması, onun hansı mühitdə böyüməsi dayanır. Hətta bəzən kişi cinsin nümayəndələri böyüdüyü mühitdən, qadın ortamında böyüməsindən asılı olaraq, öz hisslərini xanımlar kimi də biruzə verə bilərlər”. 

Ramiz