"Minimum istehlak səbəti insanların ölməməsi, uşaqların böyüməsi, pensiyaçıların yaşaması, əmək qabiliyyətli insanların işə getməsinə və s. xidmət edir”.

Bunu Valyuta.az-a açıqlamasında iqtisadçı ekspert Xalid Kərimli minimum istehlak səbətində təhsil, səhiyyə, istirahət xərclərinin nəzərdə tutulmamasına aydınlıq gətirərkən deyib. 

O bildirib ki, yaşayış minimumu ötən ilin qiymətləri ilə hesablanır:

“Amma növbəti ildə də inflyasiya baş verir. Növbəti ildə inflyasiya insanların sosial təminatına təsir göstərdiyinə görə yaşayış minimum istehlak səbətinin hesablanmasında bu nəzərə alınmalıdır. İnsanlar ötən ilin nəticələrinə görə, yaşayış minimumu müəyyənləşdirir. Bu il 12%-lik inflyasiya var, pul verirlər, amma bu hesablamaları aparmırlar. Bunu nəzərə alsalar, daha obyektiv olar".

Xalid Kərimli minimum istehlak səbətinin yaşayış minimumuna görə hesablandığını vurğulayıb: 

“Burada söhbət maksimum deyil, minimumlardan gedir. Yaşayış minimumuna görə sosial ödənişlər hesablanır. Çalışırıq ki, minimum əmək haqqı yaşayış minimumun üstündə olsun və s. Burada məqsəd nədir? İnsanın minimum yaşaması üçün nə lazımıdır? Təhsil xərci desək, hökumət deyəcək ki, Azərbaycanda orta məktəblər pulsuzdur. Getsinlər hökumətin orta məktəblərində pulsuz təhsil alsınlar. Yaxud da ali məktəblər, hökumət deyir yaxşı oxu, təhsilin pulsuz olsun. Səhiyyə desək, deyəcəklər o da pulsuzdur”.

Aylin