"2023-cü ilin bu günə qədər olan statistikasına əsasən, ölkə ərazisində su hövzələrində 146 nəfər boğulmaqdan xilas edilib. Onun 138 nəfəri çimərlik mövsümündə qeydə alınıb”.

Bu sözləri valyuta.az-a açıqlamasında Fövqəladə Hallar Nazirliyinin (FHN) Kiçik həcmli gəmilərə nəzarət və sularda və təbliğat söbəsinin rəisi Akşin Əlili deyib.

A.Əlili həmçinin qeyd etdi ki, FHN-nin kiçik həcmli gəmilərə nəzarət və sularda xilasetmə dövlət xidmətinin nəzarət etdiyi çimərliklərdə ölümlə nəticələnən suda boğulma hadisəsi qeydə alınmayıb: “Bu rəqəmlər onu deməyə əsas verir ki, həqiqətən nəzarət olunan çimərliklərdən istifadə edilməli, ərazidə quraşdırılmış maarifləndirici lövhələrin tələbinə, xilasedicilərin göstərişlərinə sözsüz əməl olunmalıdır”.

Qarakişi Vəlizadə